Xitoy jamg‘armasining moliyaviy ko‘magida O‘zbekistonda yangi ijtimoiy-iqtisodiy loyihalarni amalga oshirish masalalari muhokama qilindi

Mamlakatimizning Pekindagi elchixonasida  Xitoyning «Ipak yo‘li» jamg‘armasi prezidenti Van Yanchji bilan uchrashuv o‘tkazildi.

Uchrashuvda tomonlar hamkorlikning hozirgi holati hamda kelgusida ushbu jamg‘arma moliyaviy ko‘magida O‘zbekistonning ijtimoiy-iqtisodiy sohalarida yangi loyihalarni hayotga tadbiq etish yuzasidan o‘zaro fikr almashdi.

Muloqot chog‘ida «Ipak yo‘li» jamg‘armasi o‘z faoliyatida O‘zbekiston bilan yangi loyihalarni hayotga tadbiq etish bo‘yicha hamkorlikni kengaytirishga alohida eʼtibor qaratayotgani taʼkidlandi.