Камбағалликни қисқартириш бўйича Хитой тажрибаси ўрганилмоқда

Хитойнинг Шэньси провинцияси маъмурияти ва Янлин замонавий қишлоқ хўжалиги юқори технологиялари кўргазмалар ҳудуди билан ҳамкорликда камбағалликни қисқартириш бўйича Ўзбекистон мутахассислари учун онлайн-семинар ўтказилди.

Икки кунлик ўқув-семинардан кўзланган мақсад Ўзбекистоннинг мутасадди вазирлик ва идоралари вакилларини Хитойнинг камбағалликка қарши амалга оширган чора-тадбирлари, эришган муваффақиятлари ва амалиёти, Шэньси провинциясида мавзуга оид тажриба ва кўникмалар, қишлоқ хўжалиги маҳсулотлари ҳалқаро савдоси ва электрон тижорат орқали қамбағалликни қисқартириш усуллари, кичик бизнесни ривожлантириш тартиб-тамойиллари билан яқиндан таништиришдан иборат бўлди.

Семинарда 50 нафарга яқин ўзбекистонлик мутахассислар камбағалликни қисқартириш бўйича Хитойнинг Шэньси провинциясида амалга оширилган ишлар ва амалий чора-тадбирлар билан яқиндан танишдилар.

Бундай ўқув курсларини мунтазам равишда давом эттиришга келишиб олинди.