Хитой Халқаро тижорат академияси билан ҳамкорлик истиқболлари муҳокама қилинди

Мамлакатимизнинг Пекиндаги элчихонаси томонидан Хитой Тижорат вазирлиги ҳузуридаги Халқаро тижорат академияси (Academy for International Business Officials – AIBO) президенти Сун Жонхе билан учрашув ўтказилди.

Мулоқот якуни бўйича томонлар AIBO имкониятлари доирасида ўзбекистонлик мутахассислар учун савдо-иқтисод, банк-молия ва электрон тижорат каби халқаро савдо учун муҳим йўналишларда семинарлар ва ўқув курсларини ташкил этишга келишиб олди.

Халқаро тижорат академияси савдо-иқтисодий соҳада кадрлар малакасини ошириш бўйича Хитойнинг  йирик ўқув марказларидан бири ҳисобланади.